Yeni “Samsung Galaxy S5” belə olacaq – FOTO + VİDEO

Telefon barmaq izlərinin skaneri, yaxınlaşdırma sensoru və nəbz ölçənlə təchiz edilib.

Əvvəlcədən planlaşdırıldığı kimi “Samsung” rəsmi şəkildə öz yeni flaqman smartfonunu “Galaxy S5” təqdim edəcək.

ANN.Az İTC-yə istinadən bildirir ki, ilk baxışdan xarici görünüşcə yeni flaqman öz sələfindən geri qalmır, sadəcə displey bir az böyüyüb.

Smartfonda 1920x1080-lik 5,1 düyümlük Super AMOLED ekranla təchiz edilib.

Ekranın altında inteqrasiyalı skanerli və əməliyyat sisteminin idarə edilməsi üçün “Home” düyməsi var.

“Samsung Galaxy S5” smartfonu metala bənzər  plastikdən hazırlanıb. Korpusun aşağı hissəsində USB 3.0 qapaqlı port yerləşib. Qurğu İP67 sertifikatlaşdırılıb və toz və sudan mühafizə qatı var.

O, 1 metr dərinlikdə suyun altında 30 dəqiqə qala bilir və işləmə qabiliyyətini itirmir. Yeni smartfon perforik arxa panelə malikdir. Təqdim edilmiş modeldə  4 nüvəli və 2,5 qiqahers tezlikli Snapdragon 800 prosessoru var. “Galaxy S5”-in əsas kamerası 16 meqapiksellikdir və o, 4 4K tipli video çəkə bilir. Kamera UHD ölçülü saniyədə 30 kadr çəkiliş apara bilir.

Üz panelində 2 meqapiksellik kamera var. Smartfon “Galaxy S5” Wi-Fi 802.11 a/b/g/n/ac (MIMO, 2x2), Bluetooth 4.0 BLE/ANT+, NFC, və infraqırmızı modul daşıyıcısıdır. Eləcə də LTE Cat 4 dəstəyi var. Qurğuda çoxlu sayda sensorlar tətbiq edilib.  Barmaq izləri sensorundan başqa qurğuda aselerometrin, hiroskopun, rəqəmsal kompasın, barometrin, yaxınlaşdırma və işıqlandırma sensorunun eləcə də nəbz ölçənin olduğu bildirilir.

O, arxa paneldə kamera modulunun altında yerləşir. Smartfon “Galaxsy S5” 2800 mAç həcmli batareya ilə təchiz edilib. Bu batareya qurğuya 390 saat gözləmə və 21 saat danışıq rejimində işləməyə imkan verir. Qurğunun enerji qoruyan rejimi xüsusi qeyd edilir. Yeni smartfon 142,0x72,5x8,1 mm ölçülərə və 145 q. çəkiyə malikdir. Əməliyyat sistemi kimi Android 4.4.2. istifadə edilir.

“Samsung Galaxy S5” satışa bu ilin aprelində çıxarılacaq. Satış qiyməti hələ elan edilməyib.

ANN.Az