Almaniya Azərbaycana avtomobil ixracını artırıb

2023-cü ildə Almaniya Azərbaycana 10 nəfərdən az adamın daşınması üçün nəzərdə tutulmuş minik avtomobilləri və digər motorlu nəqliyyat vasitələrinin ixracını 2022-ci illə müqayisədə 4,2% - təxminən 2,5 min ədədə qədər artırıb. Bu barədə İnterfaks-Azərbaycan Almaniya Federativ Respublikasının Federal Statistika İdarəsi (Destatis) hesabatına əsasən bildirib.

Hesabat dövründə tədarükün dəyəri 32,1% - təxminən 125,6 milyon avroya qədər artıb.

2023-cü ildə Almaniyadan Azərbaycana mühərrikinin həcmi 1500 kubsantimetrdən 3000 kubsantimetrə qədər olan təxminən 580 ədəd benzin mühərrikli yeni nəqliyyat vasitəsi (artım 2,7 dəfə) gətirilib. Tədarükün dəyəri təxminən 31,2 milyon avro (artım 3,1 dəfə) olub.

2023-cü ilin yanvar-noyabrında Azərbaycana dəyəri 1 milyard 680 milyon 652,85 min dollar (artım 63,3%) olan 95 971 ədəd nəqliyyat vasitəsi idxal edilib. Bu barədə  Dövlət Gömrük Komitəsi məlumat verib. 

Dövlət Gömrük Komitəsinin məlumatına görə, hesabat dövründə respublikaya idxal edilən nəqliyyat vasitələrinin ən çoxunu minik avtomobilləri və sərnişindaşıma üçün nəzərdə tutulmuş digər motorlu nəqliyyat vasitələri təşkil edib. Belə ki, keçən il   1 milyard 515 milyon 315,94 min dollar (artım 79,3%) dəyərində 88 151 ədəd. (artım 28,3%) motorlu nəqliyyat vasitəsi və  125 milyon 268,4 min dollar dəyərində 3102 ədəd elektromobil , 386,294 milyon dollar dəyərində 14 098 ədəd hibrid avtomobill idxal edilib.


Bundan əlavə, Azərbaycana 7287 ədəd  (artım 42,1%) və ya  115 milyon 351,55 min ABŞ dolları (artım 6,3%) dəyərində  yük daşımaları üçün nəzərdə tutulmuş motorlu nəqliyyat vasitələri, 370 ədəd. xüsusi təyinatlı avtomobillər (artım 5,4%) gətirilib. 
idxal edilib. 
 
2022-ci ildə Azərbaycana nəqliyyat vasitələrinin idxalı 74,577 min ədəd təşkil edib. 

 

Aytac Zeynalova