ASCO 50 milyon dollarlıq istiqraz yerləşdirməyi planlaşdırır
20.02.2024 18:56
"Xəzər Dəniz Gəmiçiliyi” QSC (ASCO) fevralın 23-də abunə yolu ilə 50 milyon ABŞ dolları dəyərində beşillik istiqrazlar yerləşdirməyi planlaşdırır. Bu barədə Bakı Fond Birjası (BFB) məlumat verib.
Məlumata görə, emissiya hər qiymətli kağızın nominal dəyəri 1 min dollar olan 50 min istiqraza bölünüb.
İstiqrazlar üzrə gəlirlilik illik 6%, kupon ödənişi - altı ayda bir dəfə olacaq.
İstiqrazların yerləşdirilməsindən əldə edilən vəsait beynəlxalq sularda istifadə üçün iri tankerlərin alınmasına yönəldiləcək.
ASCO istiqrazlarının anderrayter qismində "PAŞA Kapital İnvestisiya Şirkəti” QSC olmaqla BFB-də yerləşdirilməsi planlaşdırılır.
ASCO 2023-cü ilin marında Azərbaycanın daxili bazarında 100 milyon ABŞ dolları dəyərində beşillik istiqrazların debüt yerləşdirməsini həyata keçirib. Abunə zamanı 125 investor tərəfindən ümumi məbləği 113 milyon 997 min ABŞ dolları olan 126 ərizə təqdim edilib.
N.Təbrizli
www.anews.az
Telegram
Bizi Teleqramda izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
