Azərbaycana $218 milyon dəyərində minik avtomobili idxal edilib

Dövlət Gömrük Komitəsinin məlumatına görə, hesabat dövründə respublikaya idxal olunan nəqliyyat vasitələrinin əksəriyyəti  minik avtomobilləri və sərnişindaşıma üçün nəzərdə tutulmuş digər motorlu nəqliyyat vasitələri olub. Belə ki ilk iki ayda ölkəyə  12 023 ədəd (artım 24,2%) və ya  217 milyon 721,19 min dollar  dəyərində (azalma 7,2%) minik avtomobili və sərnişindaşıma üçün nəzərdə tutuan motorlunəqliyyat vasitəsi gətirilib.  O cümlədən, 22 milyon 852,28 min dollar dəyərində 541 elektromobil və dəyəri  82 milyon 728,5 min dollar dəyərində 2571 ədəd  hibrid avtomobillər idxal edilib. 

Bundan əlavə, Azərbaycana 22 milyon 526,61 min ABŞ dolları (artım 66%) dəyərində 1185 ədəd (artım 36%) yük daşımaları üçün nəzərdə tutulan motorlu nəqliyyat vasitələri, 6 milyon 335,08 min dollar dəyərində 67 ədəd xüsusi təyinatlı avtomobillər (azalma 23,9%) gətirilib. 

2023-cü ildə Azərbaycana nəqliyyat vasitələrinin idxalı 95,971 min ədəd təşkil edib. Onların ümumi dəyəri isə 1 milyard 680 milyon 652,85 min dollar olub.