Yanvar-fevralda Azərbaycan qaz ixracını 3,3 dəfə artırıb
18.03.2024 16:46
2024-cü ilin yanvar-fevralrında Azərbaycandan gömrükdə bəyan edilmiş qaz həcmlərinin ixracı 3 milyard 953 milyon 658,45 min kubmetr təşkil edib ki, bu da 2023-cü ilin yanvar-fevral aylarının göstəricisindən 3,3 dəfə çoxdur.
Hesabat dövründə qaz təchizatı Azərbaycanın ümumi ixracının 30,54%-ni (2023-cü ilin yanvar-fevral aylarında 11,11%) təşkil edib.
Azərbaycandan bəyan edilmiş qazın ixracının dəyəri 1 milyard 459 milyon 774,04 min dollar (artım 2,9 dəfə) təşkil edib.
Eyni zamanda, Dövlət Gömrük Komitəsi hələ də Azərbaycan qazının ixrac olunduğu ölkələrlə bağlı məlumat dərc etmir.
Dövlət Gömrük Komitəsi ixracın statistikasını bəyannamələr əsasında aparır. Satılmış qaza dair bəyannamə onun boru kəmərləri ilə vurulduğu vaxt deyil, faktiki satış həyata keçirildikdən sonra verilir.
Azərbaycan Avropanın 6 ölkəsi ilə: İtaliya, Yunanıstan, Bolqarıstan, Rumıniya, Macarıstan və Serbiya ilə qaz təchizatı müqaviləsi bağlayıb. Bundan başqa, Avropanın bir sıra ölkələri Azərbaycan qazını almaqda maraqlı olduqlarını bildiriblər.
Bununla yanaşı, Azərbaycan qazı Türkiyəyə (TANAP və Cənubi Qafqaz Boru Kəməri, SKTM qaz kəmərləri ilə) və Gürcüstana (SKTM və Qazıməhəmməd-Qazax qaz kəməri ilə) ixrac edilir.
N.Təbrizli
www.anews.az
Instagram
Bizi Instagramda izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
