İpoteka fondunun agent bankları ipoteka kreditləşməsini 23% artırıb

Fevralda AIKZF agent bankları tərəfindən 36,1 milyon manat məbləğində ipoteka krediti verilib.

Mərkəzi Bankın məlumatına görə, AIKZF yanvar-fevralda 47,9 milyon manat (azalma 32,6%) məbləğində kreditləri yenidən maliyyələşdirib.

2024-cü ilin yanvar-fevralında fonda ipoteka kreditlərinin maliyyələşdirilməsi üçün Azərbaycanın dövlət büdcəsindən 21,9 milyon manat vəsait daxil olub (2023-cü ilin yanvar-fevral; ilə müqayisədə dəyişməyib).

Hesabat dövründə AIKZF istiqrazların yerləşdirilməsindən 50 milyon manat cəlb edib (2023-cü ilin yanvar-fevraında fond istiqraz yerləşdirməyib).

AMB-nin məlumatına görə, fevralda verilən ipoteka kreditinin orta həcmi 61 684,7 min manat (2023-cü ildə - 59,872 min manat, 2024-cü ilin yanvarında - 61,056 min manat) təşkil edib. 

2023-cü ildə AIKZF agent bankları tərəfindən 461,4 milyon manat məbləğində ipoteka krediti verilib.

Azərbaycan Prezidenti İlham Əliyev 2017-ci il dekabrın 26-da "Azərbaycan İpoteka Fondu” ASC-nin ləğvi və Azərbaycan İpoteka və Kredit Zəmanət Fondunun yaradılması haqqında fərman imzalayıb.

Kommersiya şərtləri ilə ipoteka kreditləri manatla və yalnız Azərbaycan vətəndaşlarına verilir. Kreditlər 3 ildən 25 ilədək müddətə verilir, kreditin maksimal həcmi 150 min manatdan çox olmamalıdır, kredit illik 8%-dən çox olmayan dərəcə ilə verilir. İlkin ödəniş 15-25% təşkil edir.

Dövlət büdcəsindən yalnız sosial ipotekalar maliyyələşdirilir. Onun maksimal ölçüsü 100 min manat, dərəcəsi illik 4%-dən çox deyil, müddəti 30 ilə qədərdir. İlkin ödəniş 10%-dir.