Azərbaycanda bankların xarici öhdəlikləri 18% azalıb
29.03.2024 15:08
Azərbaycanda fəaliyyət göstərən bankların xarici öhdəlikləri 29 fevral 2024-cü il tarixinə 2 milyard 120,5 milyon manat qiymətləndirilir ki, bu da 2023-cü ilin sonundakı göstəricidən 18,4% azdır. Bu barədə Mərkəzi Bank məlumat verib.
Fevralda bankların xarici öhdəlikləri 375,6 milyon manat azalıb.
Mərkəzi Bankın məlumatına görə, 2024-cü ilin fevralın sonuna Azərbaycan banklarının xalis xarici aktivləri 2 milyard 522,8 milyon manat təşkil edib ki, bu da 2023-cü ilin sonundakı göstəricidən 5,6% azdır.
Fevralda Azərbaycan banklarının xalis xarici aktivləri 354,3 milyon manat (2024-cü ilin yanvarında: + 204,2 milyon manat) azalıb .
2023-cü ildə bankların xarici öhdəlikləri 47,5% artıb, xalis xarici aktivləri 2,4 dəfə azalıb.
Azərbaycanda bankların xarici öhdəlikləri aşağıdakılardan formalaşır: qeyri-rezidentlərdən cəlb edilmiş kreditlər, qeyri-rezidentlərdən cəlb edilmiş depozitlər, qeyri-rezidentlərin qarşısında yerləşdirilmiş qiymətli kağızlar.
Azərbaycanda 2024-cü ilin fevral ayının sonunda 23 bankın fəaliyyət göstərmək üçün lisenziyası olub.
N.Təbrizli
www.anews.az
Youtube
Bizi Youtube-da izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
