Birinci rübdə Bakı Hava Limanında sərnişin axını. 1,4 dəfə artıb
06.04.2024 16:22
2024-cü ilin birinci rübündə Bakının Heydər Əliyev Beynəlxalq Aeroportunda sərnişindaşıma ötən ilin müvafiq dövrü ilə müqayisədə 38,2% artaraq 1 milyon 464 min nəfərə çatıb.
Aeroportun mətbuat xidmətindən verilən məlumata görə, bu ilin yanvar-mart aylarında 15-i aşağı büdcəli aviaşirkət olmaqla 39 aviaşirkət 12 378 uçuş həyata keçirib.
Birinci rübdə beynəlxalq marşrutlarda 1 milyon 319 min nəfər (+43,5%) daşınıb. Eyni zamanda, xarici aviaşirkətlər 656 min, Azərbaycan Hava Yolları (AZAL) 662 min sərnişinə xidmət göstərib.
Hesabat dövründə ən populyar beynəlxalq istiqamətlər İstanbul, Abu Dabi, Tbilisi, Dubay və Moskvaya reyslər olub.
Naxçıvan istiqamətində 144 mindən çox sərnişin daşınıb.
Bundan əlavə, ötən ilin yanvar-mart ayları ilə müqayisədə tranzit sərnişinlərin sayı 82,7% artaraq 72 min nəfəri ötüb.
Hazırda Azərbaycanın müxtəlif regionlarında 8 beynəlxalq hava limanı var.
2023-cü ildə Heydər Əliyev Beynəlxalq Aeroportunda sərnişin axını 2022-ci illə müqayisədə 33% artaraq rekord həddə - 5,85 milyon nəfərə çatıb.
N.Təbrizli
www.anews.az
Youtube
Bizi Youtube-da izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
