Azərbaycan Türkiyə arasında enerji sahəsində güclü əlaqələr var - Bayraktar

Azərbaycan ilə Türkiyə arasında bütün sahələrdə, o cümlədən enerji sahəsində əlaqələr güclüdür. Bunu Türkiyə Prezidenti Rəcəb Tayyib Ərdoğanın Bakı Enerji Həftəsinin açılış mərasiminin iştirakçılarına müraciətində ölkənin enerji və təbii sərvətlər naziri Alparslan Bayraktar oxuyub.

Müraciətə görə, Bakı-Tbilisi-Ceyhan, Bakı-Tbilisi-Ərzurum və TANAP layihələri ölkələr arasında əməkdaşlığın inkişafına ciddi töhfə verib.

Ərdoğan qeyd edib ki, Türkmənistan təbii qazının Azərbaycan üzərindən Türkiyəyə nəqlinə başlanması zaman məsələsidir.

O, həmçinin vurğulayıb ki, Ankara Bakı ilə İrəvan arasında sülh danışıqlarında irəliləyişi alqışlayır və sülh müqaviləsinin tezliklə imzalanmasına ümid edir.

N.Təbrizli

www.anews.az