"Şahdəniz" layihəsində bu yatağın işlənməsinin 3-cü fazası gələn il başlayacaq

"Şahdəniz" qaz-kondensat layihəsində bu yatağın işlənməsinin 3-cü fazası 2025-ci ilin sonu - 2026-cı ilin əvvəlində işə salına bilər. Bu Anews.az-a SOCAR-dan eibarlı mənbə məlumat verib.  

"Hazırda "Şahdəniz” hasilatının zirvəsindədir – ildə 26-27 milyard kubmetr qaz , "Şahdəniz”in 3-cü mərhələsi istismara veriləcək”, - mənbə bildirib. 

Onların sözlərinə görə, Şahdəniz Mərhələ 3-də hasilat platforması yox, kompressor platforması olacaq.

"Bu tip platforma bir neçə ildən sonra "Şahdəniz”də qaçılmaz olaraq başlayacaq azalmanı kompensasiya etməyə imkan verəcək",  -  mənbə  izah edib. 

"Şahdəniz” yatağından hasilata 2006-cı ilin dekabrında - Faza 1-də və 2018-ci ilin yayında - Mərhələ 2-də başlanılıb. Ümumilikdə, hazırda bu yataqdan sutkada 79 milyon kubmetrdən çox qaz hasil edilir və hasilatın yarısından çoxu hasilat Cənub Qaz Dəhlizi (Azərbaycan Qaz Təchizatı Şirkəti icraya cavabdehdir) ilə Aİ-yə gedir.

"Şahdəniz” yatağının ehtiyatları 1,2 trilyon kubmetr qiymətləndirilir, 220 milyard kubmetrə yaxını çıxarılıb (bunun 155 milyard kubmetrindən çoxu Gürcüstan, Türkiyə və digər ölkələrə ixrac edilib.