“Azərpoçt”un xalis mənfəəti 28 % artıb

"Azərpoçt” MMC 2023-cü ili 5,547 milyon manat xalis mənfəətlə başa vurub. Bu da 2022-ci illə müqayisədə 28 % çoxdur. Bu barədə Rəqəmsal İnkişaf və Nəqliyyat Nazirliyinin maliyyə hesabatında bildirilib.

 

"Azərpoçt" kommersiya qurumu kimi 2009-cu ildə eyni adlı dövlət müəssisəsinin bazasında yaradılıb. Onun nizamnamə kapitalı 73,358 milyon manatdır. 

 

2024-cü ilin martın sonunda dövriyyədə olan "Azərpoçt” MMC sistemləri üzrə ödəniş kartlarının sayı 17 milyon 421 min ədəd olub ki, bu da ötən ilin eyni dövrü ilə müqayisədə 22,3% artıb. Bu barədə Azərbaycan Mərkəzi Bankı məlumat verib. 
 
Hesabat dövründə ödəniş kartlarında artım debet kartlar üzrə 22,8%, kredit kartları üzrə 18,9% təşkil edib.
 
Məlumata görə, ödəniş kartlarının artması nağdsız ödənişlərin həcminə müsbət təsir edib.
 
Belə ki, ötən ilin eyni dövrü ilə müqayisədə ay ərzində ölkədaxili nağdsız əməliyyatların həcmi 1,6 dəfə artıb.
 
Hesabat zamanı kartlar ilə həyata keçirilən nağdsız ödənişlərin həcmi 5697 milyon manat olub, ödənişlərin 4737 milyon manatı elektron ticarətin, 952 milyon manat POS-terminalların, 8 milyon manat isə özünə xidmət terminallarının payına düşüb.
 
2024-cü ilin martında ötən ilin eyni dövrü ilə müqayisədə bankomatların sayı 2,7%, POS-terminalların sayı isə 13,7% artıb.

 

Aytac Zeynalova