Bakı-Tbilisi-Ceyhan vasitəsilə neft ixracının həcmi niyə azalır?

Reuters agentliyi avqustda Azərbaycan neftinin Ceyhan limanı vasitəsilə ixrac həcminin 17,75 milyon barel təşkil edəcəyini proqnozlaşdırır. İyulda bu rəqəmin 19,19 milyon barrelə çatacağı proqnozlaşdırılır.

Bakı-Tbilisi-Ceyhan vasitəsilə Ceyhana nəql olunan Azərbaycan neftinin həcmi azalmaqda davam edir.

 

SOCAR-ın məlumatına görə, 2024-cü ilin mayında Azərbaycanın əsas ixrac boru kəməri olan BTC ilə 2 milyon 725 min 177 ton (və ya 17 milyon 715 min barel) Azərbaycan nefti nəql edilib.

Ümumilikdə, 2024-cü ilin yanvar-mayında kəmərlə 12 milyon 199 min 306 ton neft ixrac edilib.

 

Hazırda BTC neft kəməri ilə "Azəri-Çıraq-Günəşli” yataqlar blokundan hasil ediən neft və "Şahdəniz” yatağından çıxarılan qaz kondensatı, həmçinin SOCAR hasil etdiyi dan neft və qaz kondensatı nəql eilir. 

BTC neft kəmərinin uzunluğu 1768 min kilometrdir. Bunun da  443 kilometri Azərbaycan, 249 kilometri Gürcüstanda, 1076 kilometri Türkiyə ərazisindən keçir.  Kəmərin ötürmə qabiliyyəti ildə 50 milyon tondan artıqdır. 

BTC Co.-nun səhmdarları  bp (30,1%); SOCAR (25%); MOL (8,9%); Equinor (8,71%); TPAO (6,53%); ENI (5%); Itochu (3,4%); ExxonMobil (2,5%); INPEX (2,5%), TotalEnergies (5%) və ONGCVidesh (2,36%) şirkətləridir.
 
2023-cü ilin dekabrında Equinor BTC layihəsindəki payını SOCAR-a satmaq barədə müqavilə imzalayıb. Tərəflərin bir sıra öhdəlikləri yerinə yetirildikdən sonra əməliyyat başa çatmış hesab ediləcək.