Büdcəyə neft-qaz sektorundan daxilolmaları artıb

2024-cü ilin ilk 6 ayında  Azərbaycanın dövlət büdcəsinə neft-qaz sektoru üzrə daxilolmalar 32,3% artaraq  8,8 milyard manat təşkil edib ki. Bu barədə Maliyyə Nazirliyi məlumat verib. 

 

6 ayda dövlət büdcəsinin gəlirlərində neft-qaz sektoru üzrə daxilolmaların 27,4 %-i və yaxud 2 milyard 407,2 milyon manatı Vergilər Nazirliyinin , 72,6 %-i və yaxud 6 milyard 390,5 milyon manatı Dövlət Neft Fondunun transferlərinin payına düşüb.

Vergi orqanlarının xətti ilə dövlət büdcəsinə daxil olan neft-qaz gəlirlərinin 48,5 %-i və ya 1,2 milyard  manatı "Şahdəniz" yatağı üzrə mənfəət vergisi, 34,6 %-i və ya 833,3 milyon manatı Azərbaycan Dövlət Neft Şirkətinin (SOCAR) ödədiyi  vergilər, 16,9 %-i və ya 406,9 milyon manatı Azərbaycan Beynəlxalq Əməliyyat Şirkətinin mənfəət vergisinin payına düşüb.