Mərkəzi Bank valyuta almağı yox satmağı düşünür

 

"AMB ilin başından alış yönümlü müdaxilə etməyib. Ehtiyatlarımızda dəyişiklik də cüzi olub. Onları da maliyyə alətlərindən istifadə yolu ilə vəsaitlərin düzgün idarə edilməsi hesabına əldə etmişikHazırda vəsaitlərimizin artımı 1,1% təşkil edib",  -  Kazımov bildirib. 

 

Onun sözlərinə görə, hazırda AMB notlar və repo əməliyyatları vasitəsilə sterilizasiya edir və bu əlavə faiz yaradır. 

 

"Gələcəkdə biz faiz yaratmamaq üçün vəsaitlərimizdən sata  bilərik. Biz bundan sonra çox güman ki, alış xarakterli yox  daha çox satış xarakterli əməliyyatlar aparacağıq və hər belə qərar veriləndə bu barədə  onun səbəbləri ilə bağlı açıqlama edəcəyik",  -  Kazımov deyib. 

 

AMB  baş direktoru Əli Əhmədov  Mərkəzi bankın yeni maliyyə alətlərinə investisiya qoymağı planlaşdırmadığını bildirib.

 

"zərbaycan Mərkəzi Bankı səhmlərə, daşınmaz əmlaka və digər yeni maliyyə alətlərinə investisiya etməyi planlaşdırmır. Əksər mərkəzi banklar kimi, biz də mühafizəkar investoruq və sabit gəlirli qiymətli kağızlara sərmayə qoyuruq. Aktivlərimiz ilk növbədə yüksək investisiya səviyyəli pul bazarı alətlərindən ibarətdir",  -  o bildirib.