SOCAR Xorvatiyaya qaz ixracına başlayıb
02.09.2024 17:54
1 sentyabr 2024-cü il tarixindən Azərbaycan Respublikası Dövlət Neft Şirkəti (SOCAR) Xorvatiyaya qaz ixrac etməyə başlayıb. Bu barədə SOCAR məlumat yayıb.
"Azərbaycan və Xorvatiya hökumətləri arasında mövcud olan uğurlu əməkdaşlıq nəticəsində qış mövsümü ərəfəsində Azərbaycan qazının PPD şirkəti və MET Qrup vasitəsilə Xorvatiyaya çatdırılması ölkəmizin Avropanın etibarlı enerji tərəfdaşı və qaz təchizatçısı kimi rolunu daha da möhkəmləndirir", - şirkətin bəyanatında bildirilib.
Beləliklə, Xorvatiya Türkiyə, Gürcüstan, İtaliya, Yunanıstan, Bolqarıstan, Rumıniya, Macarıstan, Serbiya və Sloveniya ilə birlikdə Azərbaycan qazını alan onuncu ölkə olub.
Bununla belə şirkət Xorvatiyaya hansı həcmdə qaz ixrac edəcəyini açıqlamayıb.
2023-cü ildə Azərbaycan 23,8 milyard kubmetr qaz ixrac edib bu da 2022-ci ilin göstəricisindən 5,3% çoxdur. 2022-ci ildə Avropaya Azərbaycan qazının ixracı 11,8 milyard kubmetr təşkil edib.
2024-cü ildə Azərbaycan qaz ixracı 25 milyard kubmetr proqnozlaşdırılır ki, bunun da 13 milyard kubmetri Avropaya göndəriləcək.
N.Təbrizli
www.anews.az
Youtube
Bizi Youtube-da izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
