Azərbaycan Avropaya qaz ixracını artırıb
10.09.2024 10:21
2024-cü ilin ilk 8 ayında Azərbaycan Avropaya qaz ixracını bir il əvvəlki 7,6 milyard kubmetrdən 8,4 milyard kubmetrə qədər artırıb. Bunu Tvitter səhifəsində ölkənin energetika naziri Oqtay Şahbazov bildirib.
Onun məlumatına görə, ümumilikdə qaz ixracı ötən ilin müvafiq dövrü ilə müqayisədə artaraq 15,8 milyard kubmetrdən 16,4 milyard kubmetrə çatıb.
Türkiyəyə qaz ixracı 6,5 milyard kubmetr, Gürcüstana isə 1,5 milyard kubmetr təşkil edib.
TANAP kəməri ilə Türkiyəyə qaz ixracı 3,7 milyard kubmetr təşkil edib.
Nazir həmçinin bildirib ki, 2024-cü ilin yanvar-avqusunda qaz hasilatı ötən ilin eyni dövründəki 32,1 milyard kubmetrdən 33 milyard kubmetrə yüksəlib.
2024-cü ilin yanvar-avqustunda Azərbaycan neft və qaz-kondensat hasilatını ötən ilin eyni dövründəki 20,2 milyon tondan 19,3 milyon tona qədər azaldıb,
Bu ilin yanvar-avqust aylarında neft ixracı 17 milyon tondan 16 milyon tona qədər azalıb.
N.Təbrizli
www.anews.az
Facebook
Bizi Facebookda izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
