Neft bahalaşıb

Çərşənbə günü əsas neft markalarının qiymətləri 11 sentyabrdan bəri ən aşağı səviyyəyə düşdükdən sonra yüksəlməyə başlayıb. Bu barədə  MarketWatch xəbər verib.

ABŞ-da ötən həftə gözlənilməz şəkildə ehtiyatların azalması bazara təsir edib. 

London ICE Futures birjasında dekabr Brent fyuçerslərinin qiyməti $71,5 səviyyəsində idi, bu isə əvvəlki ticarətlərin bağlanış səviyyəsindən $0,38 (0,5%) yüksəkdir.

Dekabr WTI fyuçerslərinin qiyməti Nyu-York əmtəə birjasının elektron ticarətində səhər saatlarında $0,42 (0,6%) artaraq $67,63-a çatıb.

N.Təbrizli