BP ACQ-dən dərin qaz hasilatına bu il başlamağı planlaşdırır

Keçən il Qərbi Çıraq platformasından başlanan ilk istismar quyusunun qazılması hazırda davam edir və 2025-ci ilin ikinci və ya üçüncü rübündə başa çatdırılması gözlənilir.

 

Bayatlı həmçinin qeyd edib ki,  quyunun qazma işləri başa çatdıqdan dərhal sonra istismara verilməyəcək. 

"Qazma işləri tamamlandıqdan sonra quyunun mövcud infrastruktura qoşulması üçün əhəmiyyətli işlər görülməlidir. Bu infrastruktur qazın sahilə nəqlini təmin edəcək. Bundan əlavə, platformada böyük həcmdə avadanlıq quraşdırılmalıdır ki, bu da müəyyən vaxt aparacaq", –  Bayatlı bildirib.

 

"Buna görə də, dərin qaz layihəsindən ilk qazın 2025-ci ilin sonuna qədər əldə olunması gözlənilir",   - o, əlavə edib.

20 sentyabr 2024-cü il tarixində AÇG layihəsinin səhmdarları 2017-ci ildə imzalanman Məhsulun Pay Bölgüsü Sazişinə (PSA) ikinci əlavəni imzalayıblar. Bu düzəliş AÇG blokunun dərin qatlarında qaz kəşfiyyatı, qiymətləndirilməsi və hasilatına imkan yaradır. Yenilənən PSA, ilkin müqavilə kimi, 2049-cu ilə qədər qüvvədə qalacaq. Dərin qaz layihəsində iştirak payları mövcud AÇG səhmdarlarının paylarına uyğun bölüşdürüləcək.