23 şirkətə ödəniş bazarında çalışmaq üçün lisenziya verilib

Azərbaycanın ödəniş bazarında fəaliyyət göstərən 31 şirkətdən 23-nə müvafiq lisenziya verilib.  Bu barədə "Azərbaycan Fintex Assosiasiyası" İctimai Birliyinin sədri Ruslan Talıbov Bakıda keçirilən Azərbaycan Maliyyə Forumunda bildirib.

Bunlardan 14-ü elektron pul təşkilatı, 8-i ödəniş təşkilatı,  biri isə elektron pul təşkilatı və ödəniş sistemi operatorudur. 

Lisenziyalar "Ödəniş xidmətləri və ödəniş sistemləri haqqında” qanuna əsasən verilib.

"Ödəniş xidmətlərinin göstərilməsi üçün lisenziyanı almağa dair müraciət edən digər təşkilatların təklifləri qiymətləndirimə mərhələsindədir", - Talıbov deyib.  

O həmçinin bildirib ki,  tənzimləyici quruma xüsusi tənzimləmə rejimində iştirak üçün təqdim olunan müraciətlər daha çox virtual aktivlər, kriptovalyutalar və bu sahədə olan digər yanaşmalarla bağlıdır. 

N.Təbrizli