Muzdla işləyənlərin sayı açıqlanıb

2025-ci ilin yanvarında ölkədə muzdla işləyənlərin sayı 1778,5 min nəfər olub. Bu barədə Dövlət Statistika Komitəsindən bildirilib. 

Hesabat dövründə muzdla çalışanların 895,7 min nəfəri özəl sektorun, 882,8 min nəfəri isə dövləet sektorunun payına düşüb. 

Yanvarda neft-qaz sektorunda 31,8 min nəfər, qeyri neft-qaz sektorunda isə 1746,7 min nəfər
çalışıb.

Bundan əvvəl deputat Ziyafət Əsgərov bildirib ki, MDB məkanında Azərbaycan muzadla işləyənlərin sayına görə axırıncı yerlərdən birini tutur. 
 
Dövlət Vergi Xidmətinin son açıqlamasına görə, Son beş ildə Azərbaycanda əmək müqavilələrinin sayında 482 194  vahid artım olub. 
 
Son 5 ildə ölkədə qeydə alınan əmək müqavilələrinin sayı 1 884 109 min olub. 
 
İyunda Milli Məclisin deputatı Vüqar Bayramov söyləyib ki, hazırda  ölkədə 65% insan əmək müqaviləsi olmadan çalışır. 
 
Deputat təklif edib ki, muzdlu işçilərin sayını artırmaq lazımdır. 
 
Gülnar Nazimqızı