Bakı-Tbilisi-Ərzurum boru kəməri ilə nəql olunan qazın həcmi azalıb

2024-cü ilin yanvarında ölkədə magistral qaz kəmərləri ilə 3 562,6 milyon kubmetr qaz nəql edilib. bu da əvvəlki il ilə müayisədə  8% azalıb. Bu barədə Dövlət Statistika Komitəsindən  bildirilib.

Məlumata görə, qaz nəqlinin 46,4%-i Bakı-Tbilisi-Ərzurum Cənubi Qafqaz boru kəməri vasitəsilə həyata keçirilib.

Bu boru kəməri vasitəsilə “Şahdəniz” qaz-kondensat yatağında hasil edilən qaz ixrac edilir.

Belə ki, hesabat dövründə bu kəmərlə 1 651,5 mln. kubmetr qaz ötürülüb (13,7%-lik azalma olub).

2024-cü ildə Azərbaycanda 29 milyon 63,01 min ton neft (kondensatla birlikdə) hasil edilib ki, bu da 2023-cü illə müqayisədə 3,6 % azdır.

2024-cü ilin ilk 3 ayında   ümumilikdə - Şahdəniz Alfa və Şahdəniz Bravo platformalarından birlikdə təqribən 20 milyard standart kubmetr qaz və 3 milyon tondan çox (təqribən 26 milyon barel) kondensat hasil edilib. Keçən ilin uyğun dövründə bu göstərici 20 milyard standart kubmetr qaz və 3 milyon tondan çox (təqribən 27 milyon barel) kondensat təşkil edib.  Bu barədə BP yaydığı hesabatda bildirilib.  

"Şahdəniz"də : bp (operator – 29,99%), LUKOYL (19,99%), TPAO (19,00%), Cənub Qaz Dəhlizi (16,02%), NİKO (10,00%), MVM (5,00%) şirkətləri paya malikdir. 

2024-cü ilin üçüncü rübündə Şahdəniz 2 layihəsi çərçivəsində aparılan işlər şərq-şimal cinahından üçüncü quyunun işə salınması istiqamətində irəliləyib.

Aytac Zeyalova