Yanvarda ölkədə neft və qaz istehsalı azalıb

2024-cü ilin yanvarında Azərbaycanda mədənçıxarma sənayesində istehsalın ümumi dəyəri 3 346 miyon manat olub, bu da əvvəlki ilin müvafiq ayına nisbətən 5% azdır.

Bu barədə Dövlət Statistika Komitəsinin aylıq hesabatında bildirilib.

Bildirilib ki, ümumi göstəricidən 3 108,4 milyon manat xam neft və təbii qazın hasilatının payına düşüb, bu da illik müqayisədə 5,9% azdır.

“Əmtəəlik neft hasilatı əvvəlki ilin müvafiq ayı ilə müqayisədə 6,6%, əmtəəlik qaz hasilatı isə 4,8% azalıb”, - məlumatda qeyd olunur.

Məlumatda qeyd olunur ki, hesabat dövründə Azərbaycanda cəmi 2 308,2 min ton neft (6,5% azalma) və 3 978,9 mln. kubmetr qaz (6,4% azalma) hasil edilib.

Ötən il əmtəəlik neft hasilatı 28 997 mln. ton, əmtəəlik təbii qaz hasilatı isə 38 668,6 mlrd. kub metr təşkil edib. Əmtəəlik neft hasilatı əvvəlki ilin göstəricidi ilə müqayisədə 3,6% azalıb, əmtəəlik qaz hasilatı isə 6,2% artıb.

Azərbaycan enerji bazarlarını dəstəkləmək üçün neft hasilatını məhdudlaşdıran aparıcı neft istehsalçılarının daxil olduğu OPEC+ qrupunun üzvüdür

OPEC+ sazişi çərçivəsində Azərbaycan üçün 2024 və 2025-ci illər üçün müəyyən edilən 551 min barrellik hasilat kvotasından aşağıdır.

Ötən ilin yanvar-sentyabrda neft ixracı keçən ilki 19 milyon tondan 17,9 milyon tona düşüb. 

Həmin dövrdə Avropaya qaz ixracı ötən ilin eyni dövründəki 8,6 milyard kubmetrdən 9,4 milyard kubmetrə yüksəlib.

Aytac Zeynalova