Bitcoin ABŞ-ın strateji ehtiyatına çevriləcək

ABŞ prezidenti Donald Tramp bitkoinlərin strateji kriptovalyuta ehtiyatının formalaşdırılması haqqında fərman imzalayıb. Bu barədə X sosial şəbəkəsində prezidentin elmi-məsləhət komitəsinin həmsədri , ABŞ-ın süni intellekt və kriptovalyutalar sahəsində siyasətinə məsul şəxs Devid Saks məlumat verib.

Onun sözlərinə görə, ehtiyat təxminən 200 min bitkoindən ibarət ola bilər.

"Ehtiyat federal hökumətə məxsus, cinayət və ya mülki aktivlərin müsadirə edilməsi proseduru ilə müsadirə edilmiş bitkoinlərdən ibarət olacaq", - o bildirib. 

Martın 2-də Tramp ABŞ-ın strateji kriptovalyuta ehtiyatının yaradıldığını elan edib. O qeyd edib ki, fərmanı ilə ölkəni “kriptovalyutaların dünya paytaxtına” çevirməyi hədəfləyir.

İnauqurasiyadan iki gün əvvəl, yanvarın 20-də ABŞ-ın seçilmiş prezidenti Tramp Memcoin ($TRUMP) adlı kriptovalyutanı satışa çıxardı. Onun başlanğıc qiyməti 10 dollar, maksimumu isə 75 dollardan çox idi. Yanvarın 19-da ABŞ-ın gələcək birinci xanımı Melaniya Tramp öz memekkoini $MELANIA-nı satışa çıxardı və onun qiyməti 24 saat ərzində 21.000% artaraq bir sikkə üçün 6 dollara yüksəldi. 

Gülnar