İki ayda buğda idxalı nə qədər olub? - Rəsmi

2025-ci ilin iki ayında ölkədə 187 min 569 ton buğda idxal edilib ki, bu da ötən ilin eyni dövrü ilə müqayisədə 39% çoxdur. Bu barədə Dövlət Gömrük Komitəsi məlumat yayıb.

Hesabat dövründə buğdanın idxal həcmi 52 min 699 ton, dəyər həcmi isə  9 milyon 608 min ABŞ dolları təşkil edib. 

Hesabat dövründə buğda idxalına çəkilən xərc Azərbaycanın ümumi idxal xərclərinin 1 %-ni təşkil edib.

2024-cü il ərzaq təhlükəsizliyi üçün 487,4 milyon manat vəsait ayrılıb. 

Azərbaycanda 2023-cü ildən etibarən 5 il müddətinə taxılın hər tonuna görə 100 manat məbləğində subsidiya müəyyən edilib. 
 
Ümumilikdə, Azərbaycana buğda idxalının 87 faizi Rusiyanın, 13 faizi isə Qazaxıstanın payına düşüb.

2023-cü ildə Azərbaycana buğda idxalı 1 milyon 175,341 min ton təşkil edib ki, bu da 2022-ci ilin göstəricisindən 9,1% azdır.

Hazırda Azərbaycanda buğdaya olan tələbatın 62% yerli istehsal hesabına ödənilir.  Qalan hissə Ukrayna, Rusiya və Qazaxıstandan idxal edilir.

Aytac Zeynalova