Azərbaycanda aqrar sektor böyüyüb

2024-cü ilin iki ayında ölkədə 1 milyard 61 milyon manat dəyərində kənd təsərrüfatı məhsulları istehsal edilib. Bu, ötən ilin eyni dövrü ilə müqayisədə 2,1 % çoxdur. Bu barədə Dövlət Statistika Komitəsi məlumat yayıb.

Son 1 ildə ölkədə istehsal olunmuş bitkiçilik məhsullarının dəyəri 14 % artaraq 55,9 milyon manata, heyvandarlıq məhsullarının dəyəri isə 1,5 % artaraq 1 milyard 6 milyon manata çatıb.

2 ay ərzində ölkədə quş əti də daxil olmaqla diri çəkidə 91,2 min ton ət, 322,7 min ton süd, 374,5 milyon ədəd yumurta istehsal edilib, 1 il əvvələ nisbətən ət istehsalı 2,4 % yumurta istehsalı 1,8 % artıb, süd istehsalı isə 0,5 % azalıb.

2023-cü ildə Azərbaycanda 12 milyard 210 milyon manat dəyərində kənd təsərrüfatı məhsulu istehsal edilib, bu da 2022-ci ilin göstəricisi ilə müqayisədə 3 % çoxdur.

Son bir ildə bitkiçilik məhsullarının dəyəri 2,7 % artaraq 5 milyard 933 milyon manat təşkil edib, heyvandarlıq məhsullarının dəyəri 3,2 % artaraq 6 milyard 276 milyon manat olub.

2023-cü ildə qarğıdalı da daxil olmaqla 948,3 min hektar sahədən, hər hektardan orta hesabla 33 sentner olmaqla, ilkin çəkidə 3 milyon 248,6 min ton dənli və dənli paxlalı bitkilər toplanılıb. 2022-ci illə müqayisədə 2,8 % çox məhsul götürülüb.

Aytac