Azərbaycanda mebel istehsalı idxalını 18%-dən çox üstələyib

2025-ci ilin yanvar-fevral ayları ərzində Azərbaycana 21 milyon 117 min ABŞ dolları dəyərində mebel və onun hissələri idxal edilib.

Dövlət Gömrük Komitəsinin hesabatına görə, bu göstərici əvvəlki ilin müvafiq dövrü ilə müqayisədə 9.6% və ya 1 milyon 851 min ABŞ dolları çoxdur. 2024-cü ilin yanvar-fevral ayları ərzində Azərbaycana 19 milyon 266 min dollar dəyərində mebel və onun hissələri idxal edilib.

Hesabat dövründə mebel idxalının ümumi idxalda payı 0.51% təşkil edib.

 Dövlət Statistika Komitəsinin hesabatına əsasən 2025-ci ilin ilk 2 ayında ölkədə 42.5 milyon manat dəyərində mebel istehsal edilib. Bu göstərici 2024-cü ilin müvafiq dövrü ilə müqayisədə 5.7% azdır. Beləliklə hesabat dövründə mebel istehsalı idxalını 18.4% üstələyib.