Natiq Mustafayev Socar Trading-in baş icraçı direktoru təyin edilib

Azərbaycan Dövlət Neft Şirkətinin (SOCAR) İsveçrədə yerləşən treydinq törəmə şirkəti Socar Trading-in baş icraçı direktoru vəzifəsinə Natiq Mustafayev təyin edilib. Bu barədə SOCAR məlumat yayıb. 

Mustafayev bu vəzifəyə aprelin 7-dən başlayıb və 2018-ci ildən bu vəzifəni icra edən Məryəm Almaszadəni əvəz edib.

Almaszadə bundan sonra ana şirkət olan SOCAR Groupda baş müşavir kimi fəaliyyət göstərəcək.

Mustafayev Socar Trading-ə 2024-cü ilin sentyabrında baş kommersiya strategiyası üzrə direktor kimi qoşulub. O, daha əvvəl Credit Suisse və ABŞ-ın Barings şirkətində çalışıb.

"Biz SOCAR Trading-in qlobal miqyasda fəaliyyət dairəsini genişləndirmək və məhsullar, həmçinin coğrafiyalar üzrə portfelimizi şaxələndirmək niyyətindəyik", –  Mustafayev şirkətin bəyanatında bildirib.

N.Təbrizli