Dövlət büdcəsinin gəlirləri 1,8% artıb

2025-ci ilin ilk üç ayında dövlət büdcəsinin gəlirləri  9 733,4 milyon manat təşkil edib ki, bu da rüblük proqnozdan 171,4 milyon manat və ya 1,8 faiz çoxdur.  Bu barədə Maliyyə Nazirliyindən bildirilib. 

"İqtisadiyyat Nazirliyi yanında Dövlət Vergi Xidmətinin xətti ilə daxilolmalar 4 380,6 milyon manat, Dövlət Gömrük Komitəsi üzrə daxilolmalar 1 430,5 milyon manat, İqtisadiyyat Nazirliyi yanında Əmlak Məsələləri Dövlət Xidməti üzrə daxilolmalar 10,4 milyon manat, dövlət büdcəsindən maliyyələşən təşkilatların ödənişli xidmətlərindən daxilolmalar 136,7 milyon manat və sair daxilolmalar 154,9 milyon manat təşkil edib", - məlumatda deyilir. 

2025-ci il dövlət büdcəsinin gəlirləri 38 milyard 356 milyon manat, xərcləri 41 milyard 407 milyon 600 min manat (o cümlədən, mərkəzləşdirilmiş gəlirləri 37 milyard 562 milyon 64 min manat, yerli gəlirləri 793 milyon 936 min manat, mərkəzləşdirilmiş xərcləri 40 milyard 608 milyon 389 min manat, yerli xərcləri 799 milyon 211 min manat) məbləğində təsdiq edilib. 

Gülnar