Ölkədə aqrar sektor böyüyüb

2025-ci ilin yanvar-martında ölkədə 1 milyard 602 milyon manat dəyərində kənd təsərrüfatı məhsulları istehsal edilib.  Bu da ötən ilin eyni dövrü ilə müqayisədə 1,9 % çoxdur. Bu barədə Dövlət Statistika Komitəsi məlumat yayıb.

Son 1 ildə ölkədə istehsal olunmuş bitkiçilik məhsullarının dəyəri 13 % artaraq 91,5 milyon manata, heyvandarlıq məhsullarının dəyəri isə 1,2 % artaraq 1 milyard 510 milyon manata çatıb.

Ölkədə yaz-tarla işləri aparılır. Bu ilin yanvar-mart aylarında 122,2 min hektar sahədə və ya ötən ilin eyni dövrü ilə müqayisədə 0,5 % çox yazlıq bitkilərin səpini aparılıb.

Cari ilin üç ayında Azərbaycanda  quş əti də daxil olmaqla diri çəkidə 141,6 min ton ət, 502,8 min ton süd, 583,1 milyon ədəd yumurta istehsal edilib, 2024-cü ilin müvafiq dövrünə nisbətən ət istehsalı 1,7 %, yumurta istehsalı 2 % artıb, süd istehsalı isə 0,3 % azalıb.

Aytac Zeynalova