Neft fondu I rübdə $2,42 milyard satıb

Azərbaycan Respublikası Dövlət Neft Fondu (ARDNF) 2025-ci il 31 mart tarixinə aktivlərinin 2024-cü ilin sonu ilə müqayisədə 4,5% artaraq 62,74 milyard ABŞ dollarına çatdığını açıqlayıb.

Yanvar-martında Fondun büdcə gəlirləri 3,25 milyard manat, xərcləri isə 3,64 milyard manat təşkil edib. Neft-qaz sazişləri üzrə gəlirlər 3,02 milyard manat olub. Bu məbləğin 2,25 milyardı mənfəət nefti və qazın satışından, 765 milyon manatı isə bonus və tranzit ödənişlərindən əldə olunub.

Fondun aktivlərinin artımı əsasən vəsaitlərin idarə edilməsindən və məzənnə fərqindən yaranan büdcədənkənar gəlirlər hesabına təmin olunub.

Hesabat dövründə ARDNF 2,42 milyard ABŞ dolları məbləğində vəsaiti Mərkəzi Bank vasitəsilə valyuta hərraclarında satıb.

Qızıl qiymətlərinin artması fonunda ARDNF-in qızıl altportfelindən də əhəmiyyətli gəlir əldə olunub.

N.Təbrizli