Qarabağın bu ərazilərinə 30 milyon manat investisiya qoyulub

Qarabağın üç bölgəsinə 439 sahibkarlıq subyekti 30 milyon manat investisiya qoyub.Bu barədə Report-a  Xankəndi şəhərində, Xocalı və Ağdərə rayonlarında Azərbaycan Prezidentinin xüsusi nümayəndəsi Elçin Yusubov deyib.

O bildirib ki, Xankəndi, Ağdərə, Xocalıda 3 mindən artıq şəxs il sonuna kimi işlə təmin olunacaq.

Hazırda Xankəndi, Ağdərə və Xocalıda 7 yaşayış məntəqəsində 12 min insanın məskunlaşması təmin edilib. 

Ballıca kəndinə 136 ailə, Ağdərə rayonunun Həsənriz kəndinə 70 ailə olmaqla 238 sakin, Suqovuşan kəndinə 180 ailə olmaqla 592 sakin köçürülüb. 

2025-ci ilin sonuna kimi tam bərpası və əhalinin köçürülməsi nəzərdə tutulan 24 kəndin 8-də layihələndirmə, 16-da bərpa-quruculuq işləri həyata keçirilir.

2024-cü ildə işğaldan azad edilmiş rayonlarda 2575 yeni iş yeri yaradılıb. Bu da əvvəlki illə müqayisədə 2.1 dəfə artıb.

Ötən il  ən çox yeni iş yeri Xankəndidə -702, və Laçında - 471 yeni iş yerləri yaradılıb.

Hesabat dövründə azad edilmiş rayonlarda 380 yeni müəssisə və təşkilat, 3815 yeni fərdi sahibkarlıq subyekti dövlət qeydiyyatından keçib. 

2024-cü ilin altı ayında Qarabağda yaradılan yeni iş yerlərinin sayı 840-a çatıb ki, bu da əvvəlki ilin eyni dövrü ilə müqayisədə 42% çoxdur.

Aytac