ABB mobile tətbiqi daha da etibarlı oldu

ABB yeni təhlükəsizlik tədbirləri ilə ABB mobile tətbiqinin etibarlılığını
maksimum səviyyəyə yüksəldir. Müştərilərin vəsaitlərinin təhlükəsizliyi üçün
tətbiqdə qeydiyyat prosesi daha da gücləndirilib. Artıq qeydiyyata SİMA
identifikasiyası da əlavə olunub. Belə ki, tətbiqdə qeydiyyatdan keçmək istəyən hər
bir istifadəçi kimliyini SİMA ilə də təsdiqləməlidir. Bu isə ikili autentifikasiya
yaradaraq müştərilərin vəsaitlərini fırıldaqçılıq cəhdlərindən qoruyur. ABB mobile
tətbiqinin hər bir istifadəçisi bu imkandan istifadə edə bilər.

Qeyd edək ki, ABB mobile tətbiqi Beynəlxalq Standartlaşdırma Təşkilatının
(International Organization for Standardization - ISO) ISO:IEC 27001:2022
sertifikatına malikdir. “İnformasiya Təhlükəsizliyi İdarəetmə Sistemi Sertifikatı”
adlanan bu sənəd tətbiqin bir çox meyarlar üzrə ətraflı təhlillərindən sonra ötən ilin
sonlarında təqdim olunub. Bu beynəlxalq sertifikat da ABB mobile tətbiqi
istifadəçilərinin məlumatlarının ən yüksək səviyyədə mühafizə edildiyini göstərir.
ABB mobile 2020-ci ildən müştərilərin istifadəsindədir. Hazırda tətbiqin 2
milyona yaxın istifadəçisi var.

ABB-nin müasir, faydalı, universal məhsul və xidmətləri barədə məlumatları
Bankın filial və şöbələrindən, //abb-bank.az/ rəsmi internet səhifəsindən və ya
937 nömrəli Məlumat Mərkəzindən, həmçinin rəsmi Facebook səhifəsindən əldə
etmək olar.