Dörd ayda 148,9 min şəxs aktiv məşğulluq tədbirləri ilə əhatə olunub

2025-ci ilin yanvar-aprelində 148 881 şəxsi aktiv məşğulluq tədbirləri ilə əhatə edib. Bu barədə Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyi məlumat yayıb.

Agentlik tərəfindən 2,8 min işsiz şəxs üçün isə peşə hazırlığı kursları təşkil olunub, 96,6 min şəxsə peşəyönümlü xidmətlər göstərilib.

2024-cü il martın 1-i vəziyyətinə ilkin məlumatlara əsasən Azərbaycanda iqtisadi fəal əhalinin sayı 5250,9 min nəfərdir. Onlardan 4964,1 min nəfərini məşğul əhali təşkil edib.  286.8 min nəfər isə işsiz sayılır.

Cari il fevralın 1-i vəziyyətinə muzdla çalışan işçilərin sayı 1725,1 min nəfər, o cümlədən iqtisadiyyatın dövlət sektorunda 901,7 min nəfər, qeyri-dövlət sektorunda isə 823,4 min nəfər olub.

İqtisadiyyatın neft-qaz sektorunda 31,4 min nəfər, qeyri neft-qaz sektorunda isə 1693,7 min nəfər çalışır.

Aytac