Rusiya Çinə neft tədarükünü artıra bilər

Rusiya Qazaxıstan vasitəsilə Çinə neft tədarükünü 2,5 milyon ton artırmağı nəzərdən keçirir. Bu barədə  Rusiya baş nazirinin müavini Aleksandr Novak bildirib və vurğulayıb ki, təşəbbüs Çin tərəfindən gəlib.

Novak qeyd edib ki, bu artımı təmin etmək üçün Qazaxıstanda boru kəməri infrastrukturunda texniki tədbirlərə ehtiyac var.

Onun sözlərinə görə, bu istiqamətdə işlər artıq aparılır.

 2025-ci ilin birinci rübündə Çin Rusiyadan neft idxalını ötən ilin eyni dövrü ilə müqayisədə 14,7% azaldaraq 24,3 milyon tona endirib.

Fevralda isə Hindistana tədarük illik müqayisədə 23% azalıb.

N.Təbrizli