Azərbaycanda təkrar bazarın həcmi 5 dəfə, repo əməliyyatları isə 60 dəfə artıb

2018-ci ildə qəbul edilən “Dövlət borcunun idarə edilməsinə dair orta müddətli strategiya” çərçivəsində fond bazarında əhəmiyyətli artım qeydə alınıb. Bu barədə Maliyyə Nazirliyi yanında Dövlət Borclarının və Maliyyə Öhdəliklərinin İdarə Edilməsi Agentliyinin direktoru Azər Mürsəlqulov forumda çıxışı zamanı bildirib.

Onun sözlərinə görə, dövlət istiqrazları bazarının həcmi bu dövr ərzində artaraq 900 milyon manata çatıb. Eyni dövrdə təkrar bazarın həcmi 5 dəfə, repo əməliyyatları isə 60 dəfə artıb.

Mursaqulov bildirib ki, əvvəllər əsasən banklar və sığorta şirkətləri bu bazarda fəallıq göstərirdisə, hazırda fiziki şəxslər, o cümlədən xarici vətəndaşlar da bazarın aktiv iştirakçıları sırasına qoşulublar. Bu isə fond bazarına etimadın artdığını və onun dərinləşdiyini göstərir.

Maliyyə Nazirliyi sözçüsü investor şirkətlərinin bazarda əlaqələndirici funksiyasını yüksək qiymətləndirərək deyib ki, bu şirkətlər həm yeni investorların maarifləndirilməsində, həm də mövcud investorların qərar vermə prosesində vacib rol oynayır.

“Cari ildən etibarən Nazirlik büdcə vəsaitlərinin bir hissəsini banklarda depozit kimi yerləşdirərək, maliyyə sektoruna əlavə likvidlik dəstəyi göstərib. Rəsmi qurum bu addımı həm bank sisteminin sabitliyi, həm də dövlət vəsaitlərinin səmərəli istifadəsi baxımından əhəmiyyətli sayır”, - Mürsəqulov vurğulayıb. 

Onun sözlərinə  görə, nazirlik eyni zamanda dövlət istiqrazları ilə bağlı şəffaflığı artırmaq üçün mütəmadi məlumat paylaşmaqda davam edir.

“Bu, sadəcə zaman məsələsidir. Yaxın vaxtlarda təkrar bazarda aktivliyimizi bərpa edəcəyik”,  - Mürsəqulov deyib. 

N.Təbrizli