Azərbaycanda aksiz vergisi üzrə daxilolmalar artıb

2024-cü ildə ölkədə aksiz vergisi üzrə daxilolmalar 1 milyard 553 milyon manat proqnoza qarşı icra 1 milyard 555,7 milyon manat olub, bu da  2023-cü il müqayisədə isə 103,5 milyon manat çoxdur.

Bu barədə "2024-cü il dövlət büdcəsinin icrası haqqında" qanun layihəsində əks olunub.

Aksizlər üzrə daxil olan vəsaitin 86,9 %-i  ölkədaxili əməliyyatlar üzrə aksiz vergisinin, 13,1 %-i isə gömrük orqanlarının payına düşüb.

Qeyri-neft-qaz sektoru üzrə aksiz vergisinin 2023-cü illə müqayisədə artması əsasən tütün məmulatları üzrə daxilolmaların artması ilə əlaqədar olub ki, bu da tütün məmulatlarının istehsalının 2023-cü illə müqayisədə 4,1 % artması və qanunvericilikdə edilmiş dəyişikliklərə uyğun olaraq aksiz vergisinin ödənilməsinin aksiz markalarının alınması zamanı həyata keçirilməsi ilə əlaqədardır.

Aytac