bp Xəzərdə iki kəşfiyyat və işlənmə blokunda iştirak payı əldə etdi

bp çərşənbə axşamı Xəzər dənizinin Azərbaycan sektorunda yerləşən iki dəniz kəşfiyyat və işlənmə blokunda iştirak payı aldığını elan edib. Sövdələşməni rəsmiləşdirən sazişlər Bakı Enerji Həftəsi çərçivəsində bp və SOCAR (Azərbaycan Respublikası Dövlət Neft Şirkəti) arasında imzalanıb.

Sazişlərə əsasən, bp Bakıdan 120 km şərqdə yerləşən Qarabağ neft yatağı üzrə Risk Xidməti Sazişində (RXS) və Bakıdan 90-110 km şimal-şərqdə yerləşən Əşrəfi – Dan Ulduzu – Aypara (ADUA) sahəsi üzrə Hasilatın Pay Bölgüsü Sazişində (HPBS) SOCAR-dan 35% iştirak payı əldə edib. 

SOCAR hər iki layihədə 65% payı qoruyacaq, bp isə operator olacaq.

Sazişləri SOCAR-ın prezidenti Rövşən Nəcəf və bp-nin Azərbaycan, Gürcüstan və Türkiyə üzrə regional prezidenti Qəri Counz imzalayıblar.

“Bu yeni sazişlər vasitəsilə bp ilə strateji tərəfdaşlığımızı daha da genişləndirməkdən məmnunuq,” — SOCAR prezidenti Rövşən Nəcəf bildirib. 

“Qarabağ və Əşrəfi – Dan Ulduzu – Aypara sahələri əhəmiyyətli potensiala malikdir və bp-nin operatorluq təcrübəsi bu potensialı tam açmağa kömək edəcək.”

bp-nin hasilat və əməliyyatlar üzrə icraçı vitse-prezidenti Qordon Birrell isə bildirib,yeni müqavilə bp-yə Azərbaycanda upstream biznesini inkişaf etdirməyə imkan verəcək. 

N.Təbrizli