Ölkədə sosial, işsizlikdən və icbari tibbi sığorta daxilolmaları artıb

2025-ci ilin yanvar-mayında ölkədə məcburi dövlət sosial sığorta haqları üzrə daxilolmalar 2 milyard 579 milyon manat təşkil edib. Bu da ötən ilin eyni dövrü ilə müqayisədə 12,3 % və yaxud 283,2 milyon manat çoxdur. Bu barədə İqtisadiyyat Nazirliyi yanında Dövlət Vergi Xidməti məlumat yayıb.

Son 1 ildə qeyri-büdcə təşkilatları üzrə daxilolmalar 13,3 % artaraq 1 milyard 718,5 milyon manat olub.

İşsizlikdən sığorta haqları üzrə daxilolmalar 10,7 % artaraq 91,9 milyon manata, o cümlədən qeyri-büdcə təşkilatları üzrə daxilolmalar 11,9 % artaraq 70,3 milyon manata çatıb.

Aytac