Azərbaycan neftinin qiyməti 80 dollara düşüb

Dünya bazarlarında “Azeri Light” markalı Azərbaycan neftinin bir barelinin qiyməti 2,24 dollar və ya 2,71% azalaraq 80,34 ABŞ dollarına düşüb. Bu barədə məlumatı bazar iştirakçıları iyunun 21-də bildiriblər.

Türkiyənin Ceyhan limanında FOB bazasında “Azeri Light” neftinin qiyməti isə 2,76% azalaraq 78,96 dollara enib.

Beynəlxalq bazarlarda “Brent” markalı neftin avqust fyuçersləri hazırda 78,21 dollar səviyyəsində ticarət olunur.

Azərbaycan 2025-ci il dövlət büdcəsində neftin bir bareli üçün orta qiyməti 70 dollar səviyyəsində nəzərdə tutub.

“Azeri Light” neftinin qiymətində minimum göstərici 2020-ci il aprelin 21-də — 15,81 dollar, maksimum isə 2008-ci ilin iyulunda — 149,66 dollar olub.

Azərbaycan nefti əsasən “Azəri-Çıraq-Günəşli” (AÇG) yataqlar blokundan hasil olunur. Layihədə SOCAR-ın payı 31,65% təşkil edir.

N.Təbrizli