5 ayda sərnişin və yük qatarlarına 16 dəfə daş atılıb - ADY

2025-ci ilin beş ayında hərəkətdə olan sərnişin və yük qatarlarına 16 dəfə daş atılıb. Bu barədə “Azərbaycan Dəmir Yolları” QSC-yə (ADY) məlumat yayıb.

Nəticədə qatarlara və infrastruktura ziyan dəyir və bəzən qatar təcili dayanma etdiyi üçün qrafikdə gecikmələr baş verir.

"Ötən ilin eyni dövrü ilə müqayisədə azalma müşahidə olunsa da, ADY hərəkətin təhlükəsizliyinə yaradılan risklərin tamamilə aradan qaldırılması üçün müxtəlif tədbirlər həyata keçirir. Bu cür hallarla mübarizə aparmaq üçün davamlı maarifləndirmə işləri və dəmir yollarının ətrafında yaşayan sakinlərlə profilaktik söhbətlər aparılır, məktəblərdə təlimlər keçilir. Həmçinin qatarların kamerasına düşən görüntülər əsasında daş atan şəxslər müəyyən edilərək qanunvericilik əsasında cərimələnirlər", - deyə qurumun məlumatında qeyd olunub.