Ağdamda 615 min manatlıq təmir və abadlıq üzrə tenderlər elan olunub

Ağdam Rayon İcra Hakimiyyəti ümumi dəyəri 615.002,70 manat olan üç layihə üzrə tender elan edib.

Lyihələr Quzanlı və ətraf ərazilərdə təmir və abadlıq işlərini əhatə edir. Təkliflərin qəbulu 2025-ci il  iyulun 9-da saat 17:00-da başa çatacaq və həmin tarixdə zərflər açılacaq.

Birinci tender abidələrin restavrasiyası və ətraf ərazilərin abadlaşdırılmasını, ikinci tender Quzanlıdakı qeyri-yaşayış binasının əsaslı təmirini, üçüncü tender isə “daş evlər” adlanan ərazidə fərdi yaşayış evlərinin təmirini əhatə edir.

Hər bir layihənin dəyəri təxminən 205 min manatdır.

Tenderdə iştirak haqqı 350 manatdır.

N.Təbrizli