“Azeri Light” neftinin qiyməti 2% azalaraq 74 dollar olub

Dünya bazarında “Azeri Light” markalı Azərbaycan neftinin bir barelinin qiyməti 1,53 ABŞ dolları və ya 2,02% azalaraq 74,06 dollar təşkil edib. 

FOB Ceyhan bazasında bu neftin qiyməti 1,51 dollar və ya 2,03% azalaraq 72,86 dollar olub.

“Hərracların nəticələrinə əsasən, “Brent” markalı neftin sentyabr fyuçersləri 71,46 ABŞ dollarından ticarət olunub.

Azərbaycanın 2025-ci il dövlət büdcəsində neftin orta qiyməti 70 dollar/barel səviyyəsində götürülüb.

 “Azeri Light” neftinin minimum qiyməti 2020-ci il aprelin 21-də 15,81 dollar, maksimum qiyməti isə 2008-ci ilin iyulunda 149,66 dollar səviyyəsində qeydə alınıb. Azərbaycan nefti əsasən “Azəri-Çıraq-Günəşli” yataqlar blokundan hasil olunur. SOCAR layihədə 31,65% paya malikdir.