Bu ilin birinci yarısında Naxçıvan Muxtar Respublikasının İqtisadiyyat Nazirliyi yanında Sahibkarlığın İnkişafı Fondu (SİF) tərəfindən 77 investisiya layihəsinin maliyyələşdirilməsinə ümumilikdə 7,4 milyon manat həcmində güzəştli kredit ayrılıb.
Bu barədə Report agentliyi Naxçıvanın iqtisadiyyat naziri Kazım Hüseynəliyevə istinadla məlumat yayıb.
Nazirin sözlərinə görə, maliyyələşdirilmiş layihələrin 73,6%-i sənaye, 18,3%-i kənd təsərrüfatı məhsullarının istehsalı, 8,1%-i isə xidmət sahələrini əhatə edib. Ayrılan kreditlərin 67,5%-i böyük, 23,9%-i orta, 8,6%-i isə kiçik kreditlər olub.
Layihələr çərçivəsində 80 yeni iş yerinin yaradılması planlaşdırılır.
Eyni zamanda, yanvar-iyun aylarında 5,8 milyon manat güzəştli kredit geri qaytarılıb, 2,1 milyon manat məbləğində problemli kredit ödənilib. Fondun əməkdaşlıq etdiyi müvəkkil kredit təşkilatlarının sayı isə ötən ilin eyni dövrü ilə müqayisədə 2 dəfə artaraq 8-ə çatıb.
Aytac
Foto
Video
