“AzerGold” son 9 ildə qızıl və gümüş satışından 1,69 milyard manat gəlir əldə edib

Son 9 ildə “AzerGold” QSC qızıl və gümüşün yerli və xarici bazarlarda satışından ümumilikdə 1 milyard 691 milyon manat (təxminən 995 milyon ABŞ dolları) gəlir əldə edib. Bu barədə şirkətin İdarə Heyətinin sədri Zakir İbrahimov Naxçıvanda keçirilən Beynəlxalq Geologiya-Mədənçilik Forumunda çıxışı zamanı bildirib.

Əldə olunan gəlirin 94%-i və ya 1 milyard 592 milyon manatı ixrac əməliyyatları hesabına formalaşıb. Şirkətin fəaliyyətindən dövlət büdcəsinə 224 milyon manat vergi və sosial ödənişlər köçürülüb.

O həmçinin vurğulayıb ki, hazırda qızıl ölkənin ən çox valyuta gətirən qeyri-neft ixrac məhsuludur.

“Gələcəkdə illik dövriyyəsi 1 milyard manat olan və ölkənin aparıcı vergi ödəyicilərindən birinə çevriləcək bir şirkət olaraq fəaliyyətimizi genişləndirməyi planlaşdırırıq”, – İbrahimov əlavə edib.