Azərbaycan hökuməti 2018–2025-ci illərdə birdəfəlik sosial müavinətləri kəskin artırıb

Azərbaycan hökumətinin həyata keçirdiyi beş sosial islahat paketi çərçivəsində 2018–2025-ci illər arasında birdəfəlik sosial müavinətlərin məbləğində əhəmiyyətli artım qeydə alınıb. Bu dövrdə islahatlar 4 milyondan çox vətəndaşı əhatə edib.

Əmək və Əhalinin Sosial Müdafiəsi Nazirliyindən verilən məlumata görə, uşağın anadan olmasına görə verilən birdəfəlik müavinət 6,7 dəfə artırılaraq 600 manata, dəfn üçün nəzərdə tutulan müavinət isə beşqat artırılaraq 600 manata çatdırılıb.

Radiasiya qəzası nəticəsində zərər çəkmiş şəxslərə hər il göstərilən tibbi yardım üçün verilən birdəfəlik müavinət 1,5 dəfə artırılaraq hazırda 300 manat müəyyən edilib.

Cəzaçəkmə müəssisələrindən azad edilən və tibbi-sosial yardıma ehtiyacı olan şəxslərə ödənilən birdəfəlik müavinət isə 3,5 dəfə artırılaraq 1600 manata çatdırılıb.

Gülnar