Hacıqabul Sənaye Parkında məhsul istehsalı 55 % artıb

Bu ilin birinci yarısında İqtisadi Zonaların İnkişafı Agentliyinin (İZİA) idarəçiliyində olan Hacıqabul Sənaye Parkında 65,6 milyon manatlıq məhsul istehsal olunub.

Bu barədə İZİA-ya məlumat yayıb.

Bu göstərici ötən ilin eyni dövrü ilə müqayisədə təxminən 55 % çoxdur.

Məlumata əsasən, Hacıqabul Sənaye Parkında investisiya həcmi 186 milyon manatdan çox olan 13 sahibkarlıq subyektinə rezidentlik, 5 sahibkara isə qeyri-rezidentlik statusu verilib. Sahibkarlar Sənaye Parkına 64 milyon manat investisiya yatırıb, 576 nəfərlik daimi iş yeri yaradıblar.

Bildirilib ki, Hacıqabul Sənaye Parkı Azərbaycanda investisiya mühitinin yaxşılaşdırılması ilə yanaşı, qeyri-neft sənayesi məhsullarının istehsalında və ixracında əhəmiyyətli rol oynayır.

"Belə ki, Sənaye Parkında indiyədək sahibkarlar tərəfindən 345,6 milyon manatlıq məhsul istehsal edilib ki, bunun da 5,4 milyon manatlıq hissəsi ixracın payına düşür", - məlumatda deyilir.