Rusiya SOCAR-ın Ukraynadakı terminallarına yenidən hücum edib
18.08.2025 08:10
Avqustun 18-nə keçən gecə Rusiya ordusu Azərbaycan Dövlət Neft Şirkətinin (SOCAR) Odessadakı terminallarını və “Nova Poçta” çatdırılma xidmətinin terminalını dronlarla vurub. Bu barədə Ukrayna mediası və teleqram kanalları xəbər verir.
“Dumska” və UNİAN teleqram kanalı yazır ki, “Şahed” dronlarının əksəriyyəti eyni istiqamətə yönəlib və nəticədə Odessa ətrafında güclü yanğın baş verib. Yaşayış binaları da zərər görüb.
Rəsmi olaraq hələlik dağıntı və tələfatla bağlı məlumat verilməyib.
Bu, son iki həftə ərzində SOCAR obyektlərinə edilən ikinci hücumdur. Avqustun 6-na keçən gecə də Rusiya SOCAR-ın Odessadakı yanacaqdoldurma bazasını hədəfə almışdı.
SOCAR məsələyə münasibət bildirməyib.
N.Təbrizli
Twitter
Bizi Twitterdə izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
