Kərə yağı ehtiyatları 22,7% artaraq 56 min tona çatıb

2024-cü ildə Azərbaycanda ümumi kərə yağı ehtiyatları 56 min 084 ton təşkil edib ki, bu da 2023-cü illə müqayisədə 10 min 393 ton və ya 22,7% çoxdur. Bu barədə Dövlət Statistika Komitəsinin hesabatına istinadən FED.az məlumat yayıb.

İlin əvvəlində ölkənin kərə yağı ehtiyatlarının qalıq həcmi 2 min 601 ton olub. Bu göstərici 2023-cü ilin eyni dövrü ilə müqayisədə 140 ton və ya 5,1% azalıb.

2024-cü ildə ölkədə 28 min 975 ton kərə yağı istehsal olunub ki, bu da ötən illə müqayisədə 1 988 ton və ya 7,4% çoxdur. 2023-cü ildə bu rəqəm 26 min 987 ton idi.

İdxal həcmi isə kəskin artaraq 24 min 508 tona çatıb. Bu, 2023-cü ildəki 15 min 963 tonla müqayisədə 8 545 ton və ya 53,5% artım deməkdir.

Bundan əlavə, Azərbaycanın şəkər ehtiyatları da 1,2 milyon ton səviyyəsində qiymətləndirilir.

Gülnar