Azərbaycanla Gürcüstan arasında ticarət 28% artıb

2025-ci ilin yanvar–iyulunda Azərbaycanla Gürcüstan arasında ticarət dövriyyəsi 464,8 milyon dollar təşkil edib ki, bu da ötən ilin müvafiq dövrü ilə müqayisədə 102,7 milyon dollar və ya 28,4% çoxdur. Bu barədə  Dövlət Gömrük Komitəsinin məlumat verib. 

Artım iki qonşu ölkə arasında iqtisadi əlaqələrin güclənməsini göstərir. Azərbaycan əsasən Gürcüstana neft, neft məhsulları, elektrik enerjisi və metalları ixrac edir, Gürcüstandan isə şərab, mineral sular və kənd təsərrüfatı məhsulları idxal olunur.

Ekspertlər hesab edir ki, ticarət dövriyyəsinin artımı həm də Transxəzər və Orta Dəhliz kimi nəqliyyat-tranzit layihələrinin genişlənməsi ilə bağlıdır.

N.Təbrizli