"Azeri Light" neftinin qiyməti 69,43 dollara düşüb

Dünya bazarında "Azeri Light" markalı Azərbaycan neftinin bir barelinin qiyməti 0,06 ABŞ dolları və ya 0,09 % azalaraq 69,43 ABŞ dolları təşkil edib. 

Ceyhan limanında FOB bazasında "Azeri Light"ın qiyməti isə 0,04 dollar və ya 0,06 % azalaraq 67,94 dollar olub.

Hərrac nəticələrinə əsasən, "Brent" markalı neftin noyabr fyuçersləri hazırda 67,60 dollar səviyyəsində qərarlaşıb.

Azərbaycanın 2025-ci il üzrə dövlət büdcəsində bir barel neftin orta qiyməti 70 dollar məbləğində nəzərdə tutulub.

 "Azeri Light"ın ən aşağı qiyməti 2020-ci il aprelin 21-də 15,81 dollar, ən yüksək qiyməti isə 2008-ci ilin iyulunda 149,66 dollar olub.

"Azeri Light" əsasən "Azəri-Çıraq-Günəşli" (AÇG) yataqlar blokundan hasil olunur. SOCAR bu layihədə 31,65 % paya malikdir.